فرینڈز آف سوڈان گروپ کے ارکان کی حیثیت سے فرانس، جرمنی، ناروے، سعودی عرب، سویڈن، متحدہ عرب امارات، برطانیہ، امریکہ اور ریاستہائے متحدہ امریکہ، اور یورپی یونین نے سوڈان میں جاری تشدد اور تباہ کن انسانی صورتحال پر اپنی گہری تشویش کا اظہار کیا۔ جن میں بین الاقوامی انسانی قانون اور انسانی حقوق کی خلاف ورزیوں کی رپورٹوں کے ساتھ ساتھ انسانی امداد کی وسیع پیمانے پر لوٹ مار شامل ہیں۔
یہ متحارب فریقوں پر اس بات کی زور دے رہے ہیں کہ وہ لڑائی اور عام شہریوں پر حملے بند کرکے ایک موثر اور پائیدار جنگ بندی پر اتفاق کریں تاکہ محفوظ، تیز رفتار اور بلا روک ٹوک انسانی رسائی کو یقینی بنایا جاسکے اور بین الاقوامی انسانی قانون کا احترام کیا جاسکے، نیز سیاسی عمل میں واپسی کے لیے کام کو شروع کیا جاسکے۔ یہ فوری طور پر متحارب فریقوں سے مطالبہ کرتے ہیں کہ وہ سوڈان میں شہریوں کے تحفظ فراہم کرنے کے لئے نیز20 مئی 2023 کو اعلان کردہ جنگ بندی کی پابندی کے طور پر 11 مئی 2023 کے اعلامیہ میں طے پانے والے اپنے وعدوں کی پاسداری کریں نیز یہ کہ خلاف ورزیوں سے متعلق مسائل کو حل کرنے اور جنگ بندی کے عزم تک پہنچنے کے لیے جدہ مذاکرات کی طرف رجوع کریں۔ انھوں نے اس پر بھی زور دیا ہے کہ بنیادی امدادات کا ضرورت مندوں تک پہنچنے کو یقینی بنانے کے لئے انسانی بنیادی سازو سامان اور عملے کی حفاظت کی جانی چاہیے۔
دشمنی کو روکنے اور اس تنازع کو حل کرنے کے لیے تمام بین الاقوامی اور علاقائی کوششوں کی ہم پر زور حمایت کرتے ہیں۔اس تناظر میں، ہم سوڈان میں اقوام متحدہ کے انٹیگریٹڈ ٹرانزیشن اسسٹنس مشن (UNITAMS) اور سیکرٹری جنرل کے خصوصی نمائندے وولکر پرتھیس اور سوڈانی عوام کی سول منتقلی، آزادی، امن اور انصاف سے متعلق ان کی خواہشات میں ان کی مدد کرنے کے لئے ان کی انتھک محنت کے لیے اپنی مکمل حمایت کا اعادہ کرنا چاہتے ہیں۔ ہم تنازعہ کے فریقین سے اس بات کا مطالبہ کرتے ہیں کہ وہ سوڈانی عوام کی آزادی، امن اور انصاف کے مطالبات پر لبیک کہتے ہوئے اپنے اختلافات کو پرامن طریقے سے حل کریں، تاکہ سیاسی بات چیت دوبارہ شروع ہو سکے۔
