محترمہ ڈاکٹر ایمان احمد ال سلامی، نے تیونس میں متحدہ عرب امارات کی سفیر کی حیثیت سے اپنی اسناد تیونس کے صدارتی محل میں منعقدہ ایک تقریب میں عزت مآب صدر قیس سعید، کو پیش کیں۔
ملاقات کے دوران ، محترمہ ڈاکٹر ایمان احمد ال سلامی، نے متحدہ عرب امارات کے صدر عزت مآب شیخ محمد بن زاید النہیان؛ اور عزت مآب شیخ محمد بن راشد آل مکتوم، نائب صدر، وزیر اعظم اور دبئی کے حکمران؛ کی جانب سے مبارکباد کا پیغام پہنچایا ،اور اس کے ساتھ ساتھ محترم صدر قیس سعید، اور تیونس کے عوام کے لیے مزید ترقی اور خوشحالی کے لیے ان کی جانب سےنیک خواہشات کا بھی اظہار کیا۔
عزت مآب صدر قیس سعید، نے بھی جواباً متحدہ عرب امارات کے صدر عزت مآب شیخ محمد بن زید النہیان؛ اور عزت مآب شیخ محمد بن راشد آل مکتوم، نائب صدر، وزیر اعظم اور دبئی کے حکمران؛ کو بھی مبارکباد پیش کی،اور متحدہ عرب امارات کی حکومت اور عوام کے لیے مزید ترقی اور خوشحالی کے لیے اپنی خواہشات کا اظہار کیا۔
عزت مآب صدر قیس سعید،نے محترمہ ڈاکٹر ایمان احمد ال سلامی، تیونس میں متحدہ عرب امارات کی سفیر؛ کی حیثیت سے دونوں ممالک کے درمیان تعلقات کو بڑھانے کے لیے ان کے کام میں کامیابی کی خواہش کی اور ان کے فرائض اور ذمہ داریوں میں تمام ضروری تعاون و مدد فراہم کرنے کے لیے ان کے ملک کی جانب سے یقین دہانی کروائی۔
محترمہ ڈاکٹر ایمان احمد ال سلامی، نے بھی تیونس میں متحدہ عرب امارات کی نمائندگی کرنے پر اپنے مسرت و فخر کا اظہار کیا، اور دونوں ممالک کے درمیان کلیدی شعبوں میں دو طرفہ تعلقات کو بڑھانے کے لیے اپنی خواہش پر زور دیا۔
ملاقات کے دوران فریقین نے دونوں ممالک اور عوام کی امنگوں کے حصول کے لیے دوطرفہ تعلقات کو بڑھانے کے طریقوں پر تبادلہ خیال کیا۔
