متحدہ عرب امارات نے اسماعیلیہ میں ایک مصری سیکورٹی چوکی کو نشانہ بنانے والے دہشت گردانہ حملے کی شدید مذمت کی ہے جس کے نتیجے میں متعدد افراد ہلاک اور زخمی ہوئے ہیں ۔
وزارت خارجہ اور بین الاقوامی تعاون نے مصری حکومت کی طرف سے اپنی خودمختاری اور سلامتی کے تحفظ اور دہشت گردی سے نمٹنے کے لیے کیے گئے تمام اقدامات کے لیے متحدہ عرب امارات کی مکمل حمایت کا اظہار کیا۔
ایک بیان میں، وزارت نے تصدیق کی کہ متحدہ عرب امارات ان مجرمانہ کارروائیوں کی شدید مذمت کرتا ہے اور ہر قسم کے تشدد اور دہشت گردی کو مستقل طور پر مسترد کرتا ہے جس کا مقصد انسانی اقدار اور اصولوں کی خلاف ورزی کرتے ہوئے سلامتی اور استحکام کو نقصان پہنچانا ہے۔
وزارت نے عرب جمہوریہ مصر اور اس کے عوام اور اس گھناؤنے جرم کے متاثرین کے اہل خانہ سے دلی تعزیت اور ہمدردی کا اظہار کیا اور تمام زخمیوں کی جلد صحت یابی کیلئے دعا اور نیک خواہشات کا اظہار کیا ہے۔
