عزت مآب شیخ عبداللہ بن زید النہیان، وزیر برائے امور خارجہ اور بین الاقوامی تعاون، نے اسرائیل کے وزیر دفاع بینی گینٹز سے ملاقات کی ہے، جو متحدہ عرب امارات کے اعلیٰ سفارت کار کے اسرائیل کے موجودہ سرکاری دورے کے ایک حصے کے طور پر ہے۔
میٹنگ کے دوران دونوں ممالک کے درمیان تعلقات کو بڑھانا اور مشرق وسطیٰ میں امن و استحکام کو فروغ دینے میں ابراہیم ایکارڈز امن معاہدے کا کردار،اور ترقی کے لیے اپنے عوام کی امنگوں اور امیدوں پر پورا اترنے کے لیے خصوصی توجہ دی گئی۔ دونوں فریقین نے دلچسپی کے متعدد امور کا بھی جائزہ لیا۔
عزت مآب شیخ عبداللہ بن زید النہیان،نے فلسطینی اتھارٹی کی اپنے عوام کے لیے سلامتی اور استحکام کے حصول اور ترقی اور خوشحالی کی ان کی خواہشات کی تکمیل کے لیے حمایت کی اہمیت پر زور دیا۔
انہوں نے مشرق وسطیٰ میں امن، سلامتی اور استحکام کے امکانات کو بڑھانے کے لیے ابراہیم ایکارڈز امن معاہدے کی اہمیت کو بھی بیان کیا، اس بات کا ذکر کرتے ہوئے کہ خطے کے لوگ امید، ترقی اور خوشحالی سے بھرپور مستقبل کے منتظر ہیں۔
اسرائیل کے وزیر دفاع بینی گینٹز؛ نے بھی اپنے خطاب میں دونوں ممالک کے درمیان تمام محاذوں پر تعاون کے چینلز کو مضبوط بنانے کے لیے اس دورے کی اہمیت پر زور دیا، خاص طور پر دونوں ممالک گزشتہ دو سالوں میں تعاون اور شراکت داری کا ایک مخصوص ماڈل بنانے میں کامیاب ہوئے ہیں۔
اجلاس میں :عزت مآب احمد بن علی محمد الصیغ، وزیر مملکت،
عزت مآب عمر غوباش، معاون وزیر برائے خارجہ امور اور بین الاقوامی تعاون برائے ثقافتی اور عوامی سفارت کاری، اور عزت مآب محمد محمود الخجا، اسرائیل میں متحدہ عرب امارات کے سفیر، نے بھی شرکت کی۔
